Прыамбула

Раздзел I: Мэты i Прынцыпы (артыкулы 1–2)

Раздзел II: Члены Арганiзацыi (артыкулы 3–6)

Раздзел III: Органы (артыкулы 7–8)

Раздзел IV: Генеральная Асамблея (артыкулы 9–22)

Раздзел V: Савет Бяспекi (артыкулы 23–32)

Раздзел VI: Мiрнае вырашэнне спрэчак (артыкулы 33–38)

Раздзел VII: Дзеянні у адносінах пагрозы міру, парушэнняў міру i актаў агрэсіі (артыкулы 39–51)

Раздзел VIII: Рэгiянальныя пагадненні (артыкулы 52–54)

Раздзел IX: Міжнароднае эканамічнае i сацыяльнае супрацоўніцтва (артыкулы 55–60)

Раздзел X: Эканамічны i Сацыяльны Савет (артыкулы 61–72)

Раздзел XI: Дэкларацыя ў адносінах несамакіруючыхся тэрыторый (артыкулы 75–85)

Раздзел XII: Міжнародная сістэма апекі (артыкулы 75–85)

Раздзел XIII: Савет па Апецы (артыкулы 86–91)

Раздзел XIV: Міжнародны Суд (артыкулы 92–96)

Раздзел XV: Сакратарыят (артыкулы 97–101)

Раздзел XVI: Розныя пастановы (артыкулы 102–105)

Раздзел XVII: Мерапрыемствы па бяспецы ў пераходны перыяд (артыкулы 106–107)

Раздзел XVIII: Папраўкі (артыкулы 108–109)

Раздзел XIX: Ратыфікацыя i падпісанне (артыкулы 110–111)

МЫ, НАРОДЫ АБ'ЯДНАНЫХ НАЦЫЙ,

поўныя рашучасці пазбавіць будучыя пакаленні ад бедстваў вайны, якая двойчы ў нашым жыцці прынесла чалавецтву невыказнае гора,

і зноў умацаваць веру ў асноўныя правы чалавека, у годнасць і вартасць чалавечай асобы, у раўнапраўе мужчын і жанчын і ў роўнасць правоў вялікіх і малых нацый,

і стварыць умовы, пры якіх могуць захоўвацца справядлівасць і павага да абавязацельстваў, што вынікаюць з дагавораў і іншых крыніц міжнароднага права,

і садзейнічаць сацыяльнаму прагрэсу і паляпшэнню ўмоў жыцця пры большай свабодзе,

i з гэтай мэтай

праяўляць цярпімасць і жыць разам, у міры адзін з другім, як добрыя суседзі,

і аб'яднаць нашы сілы для падтрымання міжнароднага міру і бяспекі,

і забяспечыць прыняццем прынцыпаў і ўстанаўленнем метадаў, каб узброеныя сілы прымяняліся не інакш, як у агульных інтарэсах,

і выкарыстаць міжнародны апарат для садзейнічання эканамічнаму і сацыяльнаму прагрэсу ўсіх народаў,

вырашылi аб'яднаць нашы намаганнi для дасягнення гэтых мэт.

Згодна з гэтым нашы адпаведныя ўрады праз сваіх прадстаўнікоў, якія сабраліся ў горадзе Сан-Францыска і прад'явілі свае паўнамоцтвы, знойдзеныя ў належнай форме, згадзіліся прыняць гэты Статут Арганізацыі Аб'яднаных Нацый і гэтым засноўваюць міжнародную арганізацыю пад назвай "Аб'яднаныя Нацыі".

Для друку