Асноўныя звесткi

Коратка пра ААН

Як функцыянуе Арганізацыя Аб'яднаных Нацый

Што ААН робіць дзеля забеспячэння міру

Што ААН робіць дзеля аказання гуманітарнай дапамогі

Што ААН робіць у мэтах развіцця

Большасць з нас чулі пра дзейнасць Арганізацыі Аб'яднаных Нацый, звязаную з падтрыманнем міру альбо аказаннем гуманітарнай дапамогі. Аднак шматлікія іншыя аспекты яе дзейнасці, якія ўплываюць на нашае жыццё, вядомыя не заўсёды і не настолькі добра. У гэтай брашуры змяшчаецца кароткае апісанне Арганізацыі Аб'яднаных Нацый - якім чынам яна ўпарадкаваная і чым яна займаецца, ? з мэтай паказаць, як дзейнасць гэтай арганізацыі дапамагае палепшыць жыццё ўсіх народаў свету.

Арганізацыя Аб'яднаных Нацый з'яўляецца цэнтрам вырашэння праблем, з якімі сутыкаецца ўсё чалавецтва. Гэтая дзейнасць ажыццяўляецца супольнымі намаганнямі больш як 30 звязаных з ёй арганізацый, што складаюць сістэму Арганізацыі Аб'яднаных Нацый. З дня ў дзень Арганізацыя Аб'яднаных Нацый і іншыя арганізацыі яе сістэмы займаюцца працай па захаванні правоў чалавека, ахове навакольнага асяроддзя, барацьбе з хваробамі, забеспячэнні развіцця і барацьбе з галечай. Установы Арганізацыі Аб'яднаных Нацый распрацоўваюць нормы і правілы бяспечных і эфектыўных паветраных і марскіх зносін, спрыяюць удасканаленню тэлекамунікацый і абароне інтарэсаў спажыўцоў, дапамагаюць забяспечваць павагу да правоў інтэлектуальнай уласнасці і каардынуюць размеркаванне радыёчастот. Арганізацыя Аб'яднаных Нацый з'яўляецца таксама ініцыятарам міжнародных кампаній па барацьбе супраць незаконнага абароту наркотыкаў і тэрарызму. Праз сваю дзейнасць ва ўсіх рэгіёнах свету Арганізацыя Аб'яднаных Нацый і яе ўстановы дапамагаюць бежанцам і ажыццяўляюць праграмы размініравання, дапамагаюць палепшыць якасць пітной вады і павялічыць аб'ём вытворчасці харчавання, даюць пазыкі краінам, якія развіваюцца, і дапамагаюць стабілізаваць фінансавыя рынкі.

Для друку